ನೀನೇ ಅಚ್ಚು ಮೆಚ್ಚು,,,
ನಂಗೆ, ನಿಂದೇ ಪ್ರೀತಿ ಹುಚ್ಚು.
ನೀ ಜೀವಕ್ಕಿಂತ,,, ಹೆಚ್ಚು...
* * *
ಬರುವೆ ನಾ ಕಡಲುಗಳ ದಾಟಿ,
ಸಿಗುವುದಾದರೆ ಸಾಕು, ನಿನದೊಂದು ಭೇಟಿ...
ತರುವೆ ನಾ ಮಲ್ಲಿಗೆಯ ರಾಶಿ,
ನೀ ಬರುವ ದಾರಿಗೆ, ಇಡಲೆಂದು ಹಾಸಿ...
ನೀ ನಗುವ ಬಗೆಗೆ, ನೀನೆ ಹೇಳು,,, ಬೇರೆ ಏನಿದಿಯೇ ಸಾಟಿ???
ನೀನಿರಲು ಜೊತೆಗೆ, ಆ ಸ್ವರ್ಗಕ್ಕಿಂತಲೂ ಈ ಭೂಮಿ ವಾಸಿ...
ವಿರಹದ ಕತ್ತಲು, ಇರುವಾಗ ಸುತ್ತಲು,
ನೀ ಪ್ರೀತಿ ದೀಪ ಹಚ್ಚು...
ನೀನೇ ಅಚ್ಚು ಮೆಚ್ಚು,,,
ನಂಗೆ, ನಿಂದೆ ಪ್ರೀತಿ ಹುಚ್ಚು.
ನೀ ಜೀವಕ್ಕಿಂತ,,, ಹೆಚ್ಚು...
* * *
ಇರುಳಲೀ ಕನಸುಗಳ ದಾಳಿ
ನಿನ್ನದೇನೇ ಕನಸು, ನೀನೇ ಇರುವೆ ಅಲ್ಲಿ...
ಒಲವೆ ನೀ ಜನುಮಗಳ ಸಾಥಿ
ಜೊತೆಯಲಿರುವ ನಾವು, ಕಣ್ಣು ರೆಪ್ಪೆಯ ರೀತಿ...
ನೀ ನುಡಿವ ಬಗೆಗೆ, ನೀನೆ ಹೇಳು,,, ಬೇರೆ ಏನಿದಿಯೇ ಸಾಟಿ???
ನೀಬರಲು ಜೊತೆಗೆ, ಹೂದೋಟಕಿಂತಲೂ, ಕಾಲುದಾರಿ ವಾಸಿ...
ಬೇಸರದ ಕತ್ತಲು, ಕವಿದಾಗ ಸುತ್ತಲು,
ನೀ ಬೆಳಕಾಗಿ ಮಿಂಚು...
ನೀನೇ ಅಚ್ಚು ಮೆಚ್ಚು,,,
ನಂಗೆ, ನಿಂದೆ ಪ್ರೀತಿ ಹುಚ್ಚು.
ನೀ ಜೀವಕ್ಕಿಂತ,,, ಹೆಚ್ಚು...
- ಕೆ. ಸಿ. ಸಂಪತ್ ಕುಮಾರ್
