ಮುಗುಳುನಗುವಿನಲ್ಲೇ...

ಮುಗುಳುನಗುವಿನಲ್ಲೇ,,,

ನಾ ಮುಳುಗಿ ಹೋದೆ, ನಲ್ಲೇ...
ನಿನ್ನಾ,,,
ಮುಗುಳುನಗುವಿನಲ್ಲೇ,,,
ನೀ ಎಲ್ಲ ಮುನಿಸ ಕೊಲ್ಲಬಲ್ಲೆ...

***
ಮನಸಿನಾಳದಲ್ಲಿ, ಒಂದು ಮಧುರವಾದ ಒಲುಮೆ,,,

ನೀನು ಸಿಕ್ಕ ಮೇಲೆ,
ಮೂಡಿಬಂತು ಮೆಲ್ಲನೆ...
ಬಿಸಿಲುಗಾಲದಲ್ಲಿ, ಒಂದು ಮಳೆಯಬಿಲ್ಲ ನಲುಮೆ,,,
ನೀನು ನಕ್ಕ ಮೇಲೆ,
ದೋಚಿಕೊಂತು ನನ್ನನೆ...

ಮನಸು-ಮನಸು ಸೇರುವಾಗ,,, ಮೌನವೊಂದೇ ಸಾಕಲ್ಲವೇ...???

ನಿನ್ನ ಹಿಂದೆ ಅಲೆಯುವಾಗ,,, ನನ್ನಲೇನೆ ನಾನಿಲ್ಲವೇ...
***

ಮುಗುಳುನಗುವಿನಲ್ಲೇ,,,
ನಾ ಮಾರು ಹೋದೆ, ನಲ್ಲೇ...
ನಿನ್ನಾ,,,
ಮುಗುಳುನಗುವಿನಲ್ಲೇ,,,
ನೀ ಎಲ್ಲ ಕನಸ ಕದಿಯಬಲ್ಲೆ...
***

ನಿನ್ನ ನೋಟದಲ್ಲಿ‌, ಇದ್ದ ಸಮ್ಮೋಹದ ಸೆಲೆಗೆ

ಏನು ತಾನೆ ಸಾಟಿ,
ಬೇಕೇ ಬೇರೆ ಬಣ್ಣನೆ...
ಅಂತರಂಗದಲ್ಲಿ, ಎದ್ದ ವ್ಯಾಮೋಹದ ಅಲೆಗೆ,,,
ತೇಲಿ ಹೋದೆ ನಾನೇ,

ಮಾತಿಲ್ಲದೇ ಸುಮ್ಮನೇ...

ದೂರ ನೀನು ಹೋದಾಗ, ನೆರಳಿಗೂ ನೋವಾಗಿದೆ...

ಮತ್ತೆ ನಿನ್ನಾ ಕಾಣೋವರೆಗೂ, ಜೀವದಲ್ಲಿ ಉಸಿರೆಲ್ಲಿದೆ...
***

ಮುಗುಳುನಗುವಿನಲ್ಲೇ,,,

ನಾ ಮರುಳನಾದೆ, ನಲ್ಲೆ...
ನಿನ್ನಾ,,,
ಮುಗುಳುನಗುವಿನಲ್ಲೇ,,,

ನೀ ನನ್ನ ಎದೆಯ ಗಿಲ್ಲಬಲ್ಲೆ...
ನೀ ನನ್ನ ಹ್ರದಯ ಗೆಲ್ಲಬಲ್ಲೆ...

- ಸಂಪತ್ ಕುಮಾರ್