ಪ್ರೀತಿಸದಿರು ಈಗಲೇ ನನ್ನ,
ಕಾಯಿಸುವೆಯಾ ತುಸು ಇನ್ನ,
ನನ್ನೊಳಗೇ ಪ್ರೀತಿಸುವ ಪರಿ ಎಷ್ಟು ಚೆನ್ನ,
ಸವಿಯಬೇಕಿದೆ ಇನ್ನೂ ಈ ವ್ಯಾಮೋಹವನ್ನ...
* * *
* * *
* * *
ಬರುತಲೆ ಇರಲಿ, ನಿನ್ನೆಲ್ಲ ಸುದ್ದಿಗಳು,
ನನ್ನೆದೆಯ ವರದಿಯಲಿ...
ಕಾಯುತಲಿರಲಿ, ನನ್ನೆಲ್ಲ ಸ್ವಪ್ನಗಳು,
ನಿನಗಾಗಿ ಸರದಿಯಲಿ...
ಹರಿಯುತಲೇ ಇರಲಿ ಅನುರಾಗ, ನಿನಗಾಗಿ
ಅನುಸರಿಸಿ ಬರಲಿ ಶುಭಯೋಗ, ನಮಗಾಗಿ...
* * *
* * * * * *
* * * * * *
ನೋಡುತಲಿರು ನನ್ನದೇ ಕಣ್ಣ,
ಮೂಡಿಬರಲಿ ನಿನ್ನದೇ ಬಣ್ಣ...
ಪ್ರೀತಿಸದಿರು ಈಗಲೇ ನನ್ನ,
ಕಾಯಿಸುವೆಯಾ ತುಸು ಇನ್ನ,...
* * * * * *
* * *
ಕೂಡುತಲೆ ಇರಲಿ, ಇನ್ನಷ್ಟು ಮುತ್ತುಗಳು
ಕೂಡುತಲೆ ಇರಲಿ, ಇನ್ನಷ್ಟು ಮುತ್ತುಗಳು
ಪ್ರೀತಿಯನು ಕಲಿಯುತಲಿ...
ಸೇರುತಲಿರಲಿ, ಸಿಕ್ಕಷ್ಟು ಹೊತ್ತುಗಳು
ಹೃದಯಗಳು ನಲಿಯುತಲಿ...
ಸರಿಯದಲೇ ಇರಲಿ ಈ ಸಮಯ, ನಮಗಾಗಿ
ಕನವರಿಸಿ ಕೂರಲಿ ಆ ರವಿಯು, ಬೆರಗಾಗಿ...
* * *
* * *
ಭಾವಿಸಿಬಿಡು ನನ್ನಲೇ ನಿನ್ನ
ಭಾವಿಸಿಬಿಡು ನನ್ನಲೇ ನಿನ್ನ
ಧಾವಿಸುವೆನು ನೆನೆಯುವ ಮುನ್ನ...
ಪ್ರೀತಿಸದಿರು ಈಗಲೇ ನನ್ನ,
ಕಾಯಿಸುವೆಯಾ ತುಸು ಇನ್ನ,...
ನನ್ನೊಳಗೇ ಪ್ರೀತಿಸುವ ಪರಿ ಎಷ್ಟು ಚೆನ್ನ,
ಸವಿಯಬೇಕಿದೆ ಇನ್ನೂ ಈ ವ್ಯಾಮೋಹವನ್ನ...
- ಸಂಪತ್ ಕುಮಾರ್
No comments:
Post a Comment