ಗಂ: ಕಾಯುವಾಗೆಲ್ಲಾ ನಿನ್ನ, ಕನಸುಗಳು ಮೂಡಿವೆ
ಕಣ್ಣ ಕುಂಚದಲ್ಲಿ ಬಣ್ಣ ನೂರು ನಿನ್ನವೇ, ಭಾವಚಿತ್ರ ಬಿಡಿಸಿವೆ...
ನೋಡುವಾಗೆಲ್ಲಾ ನಿನ್ನ, ಮಾಯೆಯೊಂದು ಕಾಡಿದೆ
ಸ್ವಪ್ನ ರಂಗದಲ್ಲಿ ಪ್ರೇಮ ಸೂತ್ರ ನಿನ್ನದೇ, ಪಾತ್ರಪದ್ಯ ಹಾಡಿದೆ...
ಗಂ: ಎದೆ ವೀಣೆಯಲ್ಲಡಗಿ ಕುಳಿತಿಹಾ ರಾಗ
ನಿನ ಬೆರಳನೇ ಬಯಸುತ್ತಿದೆ...
ಸಮ್ಮೌನ ಸೆಲೆಯಾಗಿ ವಿರಮಿಸಿ ಈಗ
ತುಟಿ ಕೊಳಲನೇ ನುಡಿಸುತ್ತಿದೆ...
ಹೆ: ಶಬ್ದಲೋಕದಲ್ಲಿ,,, ನಿಶ್ಶಬ್ಧ ನಮ್ಮ ಪ್ರೇಮ...
ಮೌನಗೀತೆಯಲ್ಲೊಂದು ಮುದ್ದಾದ ಭಾವನೆಯ ನೀ ಬಿಂಬಿಸು.
------------------------------------------------------------------
ಗಂ: ನಗಿಸುವಾಗೆಲ್ಲಾ ನಿನ್ನ, ತಾರೆಗಳೂ ನಕ್ಕಿವೆ
ಮನದ ಹಾಳೆಯಲ್ಲಿ ಖಾಲಿಯಿದ್ದ ಹಾಡಿಗೆ ಸಾಲುಗಳು ಸಿಕ್ಕಿವೆ...
------------------------------------------------------------------
ಗಂ: ಸೌಗಂಧ ಸುಧೆಯೇರಿ ಹೊರಟಿಹಾ ಯಾನ
ನೀ ಜೀವಿಸೋ ಪ್ರತಿ ಶ್ವಾಸವೂ...
ಕಾತುರತೆ ಕರೆಯಾಗಿ ಸೆಳೆಯುವಾ ತಾಣ
ನೀ ಸಂಧಿಸೋ ಪ್ರತಿ ದಾರಿಯೂ...
ಹೆ: ವರ್ಷಮಾಲೆಯಲ್ಲಿ,,, ಸ್ವಾತಿ ನಮ್ಮ ಪ್ರೇಮ...
ಶುಭ್ರವಾಗಿ ಕೈಸೇರಿ ಮುತ್ತಾಗೊ ಮಳೆಹನಿಯ ನೀ ಯಾಚಿಸು.
ಗಂ: ಕಾಯುವಾಗೆಲ್ಲಾ ನಿನ್ನ, ಕನಸುಗಳು ಮೂಡಿವೆ
ಕಣ್ಣ ಕುಂಚದಲ್ಲಿ ಬಣ್ಣ ನೂರು ನಿನ್ನವೇ, ಭಾವಚಿತ್ರ ಬಿಡಿಸಿವೆ...
ನೋಡುವಾಗೆಲ್ಲಾ ನಿನ್ನ, ಮಾಯೆಯೊಂದು ಕಾಡಿದೆ
ಸ್ವಪ್ನ ರಂಗದಲ್ಲಿ ಪ್ರೇಮ ಸೂತ್ರ ನಿನ್ನದೇ, ಪಾತ್ರಪದ್ಯ ಹಾಡಿದೆ...
- ಸಂಪತ್ ಕುಮಾರ್
No comments:
Post a Comment