ಸ್ವಪ್ನಗಳ ಸಂತೆಯಲ್ಲಿ

ಪ್ರೇಮಿ    : ಸ್ವಪ್ನಗಳ ಸಂತೆಯಲ್ಲಿ, ಸದಾ ನಾನು ಸಂಚಾರಿ
ಪ್ರೇಮಿ    : ಕನಸುಗಳ ಕೊಳ್ಳುವಾಗ, ನಾನು ಬಹಳ ಉದಾರಿ
ಪ್ರೇಮಿ    : ಪ್ರೀತಿಸಲು ನಿನ್ನನು, ಸದಾ ನಾನು ತಯ್ಯಾರಿ
ಪ್ರೇಮಿ    : ಈ ಹೃದಯದಲ್ಲೀಗ, ನೀನೇ ಅಲ್ಲವೇ ವಿಹಾರಿ...

                  ಸ್ವಪ್ನಗಳ ಸಂತೆಯಲ್ಲಿ,
                  ಸದಾ ನಾನು ಸಂಚಾರಿ
                  * * * * *

ಪ್ರೇಯಸಿ : ಬರುವೆ ನಾ ನಿನ್ನ ಅನುಸರಿಸಿ,
ಪ್ರೇಯಸಿ : ಅಪ್ಪಿಕೋ ಕೊರಳನು ಬಳಸಿ,
ಪ್ರೇಯಸಿ : ನೆನಪುಗಳ ಮತ್ತೆ ವಿಂಗಡಿಸಿ
ಪ್ರೇಯಸಿ : ಸವಿಯುವ ಒಂದೊಂದೇ ಸ್ಮರಿಸಿ,

ಪ್ರೇಮಿ    : ಹೋಗಿದೆ ಹೃದಯವೀಗ, ನನ್ನದೇ ಕೈ ಮೀರಿ
ಪ್ರೇಯಸಿ : ಸಾಗವೆನು ಬಾಳದಾರಿ, ನಿನ್ನನು ನಾನು ಸೇರಿ... 
                  * * * * *

ಪ್ರೇಯಸಿ : ಬೇಡ ಇನ್ನೇಕೆ ಬೆಳದಿಂಗಳು,
ಪ್ರೇಯಸಿ : ಚಂದಿರ ನೀನೆ ಬಳಿಯಿರಲು...
ಪ್ರೇಯಸಿ : ಚುಂಬನ ನಿನ್ನ ಕಿರಣಗಳ,
ಪ್ರೇಯಸಿ : ಕಾಣಲಿ ನನ್ನ ಕಣ್ಣುಗಳು... 

ಪ್ರೇಮಿ    : ನಿಂತಿಹೆ ನನ್ನೆದುರು, ಮೋಹವೇ ಮೈದೋರಿ
ಪ್ರೇಮಿ    : ನೋಡುವೆನು ಕಣ್ತುಂಬಾ, ಸುಮ್ಮನೆ ಒಂದು ಸಾರಿ...
                 * * * * *

ಪ್ರೇಮಿ    : ಸ್ವಪ್ನಗಳ ಸಂತೆಯಲ್ಲಿ, ನೀ ಚೆಂದ ವ್ಯಾಪಾರಿ
ಪ್ರೇಮಿ    : ಕನಸುಗಳ ಕೊಳ್ಳುವಾಗ, ನಾನು ಬಹಳ ಉದಾರಿ
ಪ್ರೇಮಿ    : ಪ್ರೀತಿಸಲು ನಿನ್ನನು, ಸದಾ ನಾನು ತಯ್ಯಾರಿ
ಪ್ರೇಮಿ    : ಈ ಹೃದಯದಲ್ಲೀಗ, ನೀನೇ ಅಲ್ಲವೇ ವಿಹಾರಿ...

                  ಸ್ವಪ್ನಗಳ ಸಂತೆಯಲ್ಲಿ,
                  ಸದಾ ನಾನು ಸಂಚಾರಿ

                                                 - ಸಂಪತ್ ಕುಮಾರ್