ಮಾಯದ ಕಣ್ಣು ನಿನ್ನ ನೋಡಿಯಾಗಿದೆ,,,
ರೆಪ್ಪೆಮಿಟುಕೋ ಮುನ್ನ ಪ್ರೀತಿಯಾಗಿದೆ...
ಸ್ವಪ್ನದಿ ನನ್ನ ನಿನ್ನ ಜೋಡಿಯಾಗಿದೆ,,,
ಒಪ್ಪಿಕೊಳ್ಳೇ ಎನ್ನ,.. ಭೀತಿಯಾಗಿದೆ...
* * *
ಹಾಗೇನು,
ಹೀಗೇನು,
ಹೇಗಿದ್ದರೆ ಏನು...
ನಾನಂತು ನಿನಗೇ ಅಲ್ಲವೇ...?
ಅಂದೇನು,
ಇಂದೇನು,
ಎಂದಿದ್ದರೆ ಏನು...
ನೀನಂತು ನನಗೇ ಅಲ್ಲವೇ...?
ಮತ್ತೆ ಮತ್ತೆ ನೆನೆದು ನಿನ್ನ,
ಮೂರಿದ್ದ ಕನಸುಗಳು, ನೂರಾಗಿವೆ...
ಪ್ರೀತಿ ಮಾಡೆ ನನ್ನ, ಆಸೆಗಳು ನೂರಾರಿವೆ...
* * *
ಮೋಹಕ ಹೆಣ್ಣು ನಿನ್ನ ನೋಡಿಯಾಗಿದೆ,,,
ಮಾತನಾಡೋ ಮುನ್ನ ಪ್ರೀತಿಯಾಗಿದೆ...
ನನ್ನಲಿ ಚೆಂದದೊಂದು ಮೋಡಿಯಾಗಿದೆ,,,
ಅಪ್ಪಿಕೊಳ್ಳೇ ಎನ್ನ... ಭೀತಿಯಾಗಿದೆ...
* * *
ಇಲ್ಲೇನು,
ಅಲ್ಲೇನು
ಎಲ್ಲಿದ್ದರೇ ಏನು...
ನೀ ನನ್ನಲೇ ಇಲ್ಲವೇ...?
ಬೆಳಗಲ್ಲು,
ಸಂಜೇಲು,
ಬೆಳದಿಂಗಳಿರುಳಲ್ಲು...
ಸಂಗಾತಿ ನೀನೇ ಅಲ್ಲವೇ...?
ಮತ್ತೆ ಮತ್ತೆ ಬಯಸಿ ನಿನ್ನ
ಮೂರಿದ್ದ ಮಾತುಗಳು, ನೂರಾಗಿವೆ...
ಪ್ರೀತಿ ಮಾಡೆ ನನ್ನ, ಮುತ್ತುಗಳು ನೂರಾರಿವೆ...
* * *
ಜೀವವೇ ಜಾರಿ ನಿನ್ನ ಕೂಡಿಯಾಗಿದೆ
ಕಾಯಲಾರೇ ಇನ್ನ, ಪ್ರೀತಿಯಾಗಿದೆ...
ನಿನ್ನದೇ ಧ್ಯಾನವೀಗ ರೂಢಿಯಾಗಿದೆ
ಒಪ್ಪಿಕೊಳ್ಳೇ ಎನ್ನ,.. ಭೀತಿಯಾಗಿದೆ...
- ಸಂಪತ್ ಕುಮಾರ್
No comments:
Post a Comment