ನೋಡಬಾರದೇನು ಒಮ್ಮೆ

ಪ್ರೇಮಿ    : ನೋಡಬಾರದೇನು ಒಮ್ಮೆ ನನ್ನೀ ಕಣ್ಣನು,
ಪ್ರೇಮಿ    : ಕಾಣಲಾರೆ ನಿನ್ನ ಬಿಟ್ಟು ಬೇರೆ ಹೆಣ್ಣನು. 
ಪ್ರೇಮಿ    : ಮರೆತಾಯಿತು ನನ್ನೇ ನಾನು,
ಪ್ರೇಮಿ    : ನೀನಿಲ್ಲದೆ ಸೊನ್ನೆ ನಾನು... 
ಪ್ರೇಯಸಿ : ನನ್ನಲೂ ಪ್ರೀತಿ ಮೂಡಿದೆ,
ಪ್ರೇಯಸಿ : ನಾಚಿಕೆ ಅಡ್ಡಿಯಾಗಿದೆ. 
ಪ್ರೇಯಸಿ : ಹೇಳಬಾರದೇನು ಒಮ್ಮೆ ನೀನೇ ಎಲ್ಲವಾ,
ಪ್ರೇಯಸಿ : ಕಾಯಬೇಕು ಇನ್ನು ಎಷ್ಟು ಸಾಯಂಕಾಲವಾ..?
               * * * * *

ಪ್ರೇಮಿ    : ಮಾತೇ ಆಡದಿದ್ದರೂ
ಪ್ರೇಮಿ    : ಸೋತು ಹೋಗಲಿಲ್ಲವೇ
ಪ್ರೇಮಿ    : ನಿನ್ನ ಮುಂದೆ, ನಾನು...
ಪ್ರೇಮಿ    : ಎದುರಿಗೆದುರು ಸಿಕ್ಕರೂ
ಪ್ರೇಮಿ    : ಮೌನದಲ್ಲೇ ನಕ್ಕರೂ
ಪ್ರೇಮಿ    : ಅಂಜಿ ನಿಂತೆ, ನಾನು... 

ಪ್ರೇಯಸಿ : ಮನದ ನದಿಯಲಿ ಆಸೆ ದೋಣಿಯಾ,,, ದಿನವು ನಡೆಸುವಾ, ನಾವಿಕ ಆದೆಯಾ...
ಪ್ರೇಮಿ    : ತುಟಿಯ ತುದಿಯಲಿ ಹೇಗೆ ತಡೆಯಲಿ,,, ಉಕ್ಕಿ ಬರುತಿಹಾ, ಭಾವುಕ ಭಾಷೆಯ...

               * * * * *
ಪ್ರೇಮಿ    : ನೀಡಬಾರದೇನು ಒಮ್ಮೆ ನಿನ್ನೀ ಕೈಯನು,
ಪ್ರೇಮಿ    : ಸೇರಲಾರೆ ನಿನ್ನ ಬಿಟ್ಟು ಬೇರೆ ಯಾರನು... 
ಪ್ರೇಯಸಿ : ಚಾಚಬಾರದೇನು ನೀನೇ ನಿನ್ನೀ ತೋಳನು,
ಪ್ರೇಯಸಿ : ಬಾಳಬೇಕು ಅಲ್ಲೇ ನನ್ನ ಪೂರ ಬಾಳನು... 
               * * * * *

ಪ್ರೇಮಿ    : ನಿನ್ನ ಬಿಡುವಿನಲ್ಲೆಲ್ಲಾ
ಪ್ರೇಮಿ    : ಜೊತೆಗೆ ಕೂತರೆ ನಾನು,
ಪ್ರೇಮಿ    : ಕಳೆಯದೇನು ಬೇಸರ...
ಪ್ರೇಮಿ    : ಮುಗ್ದಳಾಗಿ ನೋಡುತ್ತಾ
ಪ್ರೇಮಿ    : ನಾಚಿಕೊಂಡರೆ ನೀನು,
ಪ್ರೇಮಿ    : ಸೆಳೆಯದೇನು ಕಾತುರ... 

ಪ್ರೇಯಸಿ : ಹಲವು ತರದಲಿ ಒಲವು ಮೂಡಿದೆ,,, ನೀನೆ ಗುರ್ತಿಸಿ, ಅರ್ಥವಾ ಹೇಳೆಯಾ...
ಪ್ರೇಮಿ    : ದಿನವು ಮನದಲಿ ನಿನ್ನ ಬಿಂಬವಾ,,, ನಾನೆ ಅರ್ಚಿಸಿ, ಪ್ರಿಯತಮ ಆದೆನಾ...

               * * * * *
ಪ್ರೇಮಿ    : ಹಾಡಬಾರದೇನು ಒಮ್ಮೆ ನನ್ನೀ ಹಾಡನು,
ಪ್ರೇಮಿ    : ಕೇಳಲಾರೆ ನಿನ್ನ ಬಿಟ್ಟು ಯಾರ ಮಾತನೂ. 
ಪ್ರೇಮಿ    : ಮರೆತಾಯಿತು ನನ್ನೇ ನಾನು,
ಪ್ರೇಮಿ    : ನೀನಿಲ್ಲದೇ ಸೊನ್ನೆ ನಾನು... 
ಪ್ರೇಯಸಿ : ನನ್ನಲೂ ಪ್ರೀತಿ ಮೂಡಿದೆ,
ಪ್ರೇಯಸಿ : ನಾಚಿಕೆ ಅಡ್ಡಿಯಾಗಿದೆ. 
ಪ್ರೇಯಸಿ : ಹೇಳಬಾರದೇನು ಒಮ್ಮೆ ನೀನೆ ಎಲ್ಲವಾ
ಪ್ರೇಯಸಿ : ಎಂದಿಗೂನು ನಿನ್ನ ಗೆಳತಿ ನಾನೇ ಅಲ್ಲವಾ...

                                                                     - ಸಂಪತ್ ಕುಮಾರ್