ಕೇಳೆನ್ನ ಒಲವೇ,,,

ಕೇಳೆನ್ನ ಒಲವೇ,,, ನನ್ನದೆಯ ಹಾಡನ್ನೊಮ್ಮೆ...

ಪ್ರತಿಯೊಂದು ಸಾಲೆಲ್ಲವೂ, ಕುರಿತಾಗಿಯೇ ನಿನ್ನೇ...

ಕೇಳೆನ್ನ ಒಲವೇ,,, ನನ್ನದೆಯ ಹಾಡನ್ನೊಮ್ಮೆ...
ಪ್ರತಿಯೊಂದು ಸಾಲೆಲ್ಲವೂ, ಕುರಿತಾಗಿಯೇ ನಿನ್ನೇ...

*    *    *

ಕಣ್ಣೆದುರು ನೀನಿರೆ,

ಮೈಮರೆತು ಕೂರುವೆ,..

ಉಳಿದೆಲ್ಲವಾ ಬಿಟ್ಟು, ಹೇಗಿತ್ತೋ ಹಾಗೆಯೇ...

ನೀ ಕಾಣದಿದ್ದರೂ,

ಮೈಮರೆತು ಕೂರುವೆ,.. 

ನೆನಪೆಲ್ಲವಾ ಬಿಚ್ಚಿ, ಉನ್ಮತ್ತನಾಗಿಯೇ...

ಮೀಸಲು ಈ ಹೃದಯ, ಎಂದಿಗೂ ನಿನಗಾಗಿ..

ಬೇಡವೇ ಬೇರೇನೂ, ಪ್ರೀತಿಯ ಬದಲಾಗಿ...

*    *    *

ಹೇಳೆನ್ನ ಒಲವೇ,,, ಪ್ರೀತಿಸುವ ಮಾತನ್ನೊಮ್ಮೆ...

ಪ್ರತಿಯೊಂದು ಮಾತಲ್ಲಿಯೂ, ನೆನೆಯುವೆನು ನಿನ್ನೇ...

ಕೇಳೆನ್ನ ಒಲವೇ,,, ನನ್ನದೆಯ ಹಾಡನ್ನೊಮ್ಮೆ...

ಪ್ರತಿಯೊಂದು ಸಾಲೆಲ್ಲವೂ, ಕುರಿತಾಗಿಯೇ ನಿನ್ನೇ...

*    *    *

ಜೊತೆಯಾಗಿ ಬಂದರೆ

ನೆರಳಂತೆ ಕಾಯುವೆ,..

ನಿನ್ನ ಪಾದವಾ ಹೊತ್ತು, ಅಂಗೈಯ ಮೇಲೆಯೇ...

ಜೊತೆಯಾಗದಿದ್ದರೂ

ನಿನಗೆಂದೆ ಕಾಯುವೆ,.. 

ಹೂವೆಲ್ಲವಾ ಚೆಲ್ಲಿ, ನೀ ಬರುವ ದಾರಿಗೇ...

ಬೀಸಿದೆ ತಂಗಾಳಿ, ನೀನಗಲು ಚೆಲುವಾಗಿ... 

ಬಾಳುವೆ ಇನ್ನೆಂದೂ, ನಿನ್ನದೇ ಸಲುವಾಗಿ...

*    *    *

ಹೇಳೆನ್ನ ಒಲವೇ,,, ನನ್ನೆಸರ ಉಸಿರಲ್ಲೊಮ್ಮೆ...

ಪ್ರತಿಯೊಂದು ಉಸಿರಲ್ಲಿಯೂ, ಪ್ರೀತಿಸುವೆನು ನಿನ್ನೇ... 

ಕೇಳೆನ್ನ ಒಲವೇ,,, ನನ್ನದೆಯ ಹಾಡನ್ನೊಮ್ಮೆ...

ಪ್ರತಿಯೊಂದು ಸಾಲೆಲ್ಲವೂ, ಕುರಿತಾಗಿಯೇ ನಿನ್ನೇ...

                                      - ಸಂಪತ್ ಕುಮಾರ್