ಪ್ರೀತಿ ಒಪ್ಪಿದರೆ...

ಬೇರೊಂದು ಲೋಕ ಸೃಷ್ಟಿಸುವೆ,

ನೀ ಜೊತೆಗೆ ಬರಲು ಒಪ್ಪಿದರೆ,,,

ನನ್ನನ್ನೇ ದಾಸನಾಗಿಸುವೆ,

ನೀ ಜೊತೆಗೆ ಇರಲು ಒಪ್ಪಿದರೆ,,,

ಪ್ರತೀ,,, ಕ್ಷಣವೂ ಪ್ರೀತಿಸುವೆ,

ನನ್ನಾಣೆ,.. ಮಾತು ತಪ್ಪಿದರೆ...
---------------------------------------------------------------------

ನಿನ್ನಾ ಕಣ್ಣ ಬೆಳಕು ಸಾಕು,

ಮುಂದಿನೆಲ್ಲಾ ಪ್ರಯಾಣಕೆ...

ನಿನ್ನಾ ಸಣ್ಣ ನಗುವು ಸಾಕು,

ತೀರಲೆನ್ನಾ ಬಾಯಾರಿಕೆ...

ಅರಳೋ ನೂರು ಹೂಗಳೊಳಗೆ, ಚೆಂಗುಲಾಬಿ ನಿನ್ನಾ ಮೊಗವು...
ಬರಲು ನೀನು ಎದೆಯ ಒಳಗೆ, ಸ್ವರ್ಗವಾಯ್ತು ನನ್ನಾ ಜಗವು...
* * *

ದಾರಿಗೆ ಹೂವ ಹಾಸಿಡುವೆ,

ನೀ ಜೊತೆಗೆ ಬರಲು ಒಪ್ಪಿದರೆ,,,

ಪ್ರತೀ ಹೆಜ್ಜೆ ಜೊತೆಗಿಡುವೆ,

ನನ್ನಾಣೆ,.. ಮಾತು ತಪ್ಪಿದರೆ...

---------------------------------------------------------------------

ನಿನ್ನಾ ಗೆಜ್ಜೆ ದನಿಗೆ ಸೋತು

ಗಾಳಿ ಕೂಡ ಮೂಕಾಗಿದೆ...

ಗಲ್ಲಕೊಂದು ದೃಷ್ಟಿ ಬಿಂದು

ಇಡವ ಆಸೆ ಹೆಚ್ಚಾಗಿದೆ...

ಇರುವ ಒಂದು ಹೃದಯದೊಳಗೆ, ಮಿಡಿಯುತಿರವ ಜೀವ ನೀನು...

ಬರುವ ಎಲ್ಲ ಜನ್ಮಗಳಿಗೆ, ಜೊತೆಯಲಿರುವ ಸಾಥಿ ನೀನು...

* * *

ನಿನ್ನೆಲ್ಲಾ ಭೀತಿ ನೀಗಿಸುವೆ

ನೀ ಜೊತೆಗೆ ಇರಲು ಒಪ್ಪಿದರೆ,,,

ಪ್ರತೀ,,, ಆಸೆ ತೀರಿಸುವೆ,

ನನ್ನಾಣೆ,.. ಮಾತು ತಪ್ಪಿದರೆ...

---------------------------------------------------------------------

ಬೇರೊಂದು ಲೋಕ ಸೃಷ್ಟಿಸುವೆ,

ನೀ ಜೊತೆಗೆ ಬರಲು ಒಪ್ಪಿದರೆ,,,

ನನ್ನನ್ನೇ ದಾಸನಾಗಿಸುವೆ,

ನೀ ಜೊತೆಗೆ ಇರಲು ಒಪ್ಪಿದರೆ,,,

ಪ್ರತೀ,,, ಕ್ಷಣವೂ ಪ್ರೀತಿಸುವೆ,

ನನ್ನಾಣೆ,.. ಮಾತು ತಪ್ಪಿದರೆ...

                                         - ಸಂಪತ್ ಕುಮಾರ್